(ភ្នំពេញ)៖ មុនទៅឥណ្ឌូនេស៉ីនិងក្រោយត្រឡប់មកវិញ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាត្រូវធ្វើតេស្តរហូត៤ដង និងត្រូវរស់នៅម្នាក់ឯងរយៈពេល១៤ថ្ងៃ។ សម្តេចតេជោ ហ៊ុន សែន ចាត់ទុកថានេះជាវិធានការសុខាភិបាលដែលគ្រប់គ្នាត្រូវតែគោរព។
តាមរយៈការសរសេរលើទំព័រហ្វេសបុកផ្លូវការ សម្តេចតេជោ ហ៊ុន សែន បានបញ្ជាក់ថា ៖ «ថ្ងៃនេះខ្ញុំបញ្ចប់ការធ្វើចត្តាឡីស័ករយៈពេល១៤ថ្ងៃបន្ទាប់ពីគ្រូពេទ្យយកសំណាកទៅពិនិត្យនិងបញ្ជាក់ថាខ្ញុំពុំមានកូវីដ-១៩នោះទេ»។
សម្តេចបានបន្តថា «មុនទៅឥណ្ឌូនេស៉ីនិងក្រោយត្រឡប់មកវិញខ្ញុំត្រូវធ្វើតេស្តរហូត ៤ដង និងត្រូវរស់នៅម្នាក់ឯងរយៈពេល១៤ថ្ងៃ ដែលនេះជាវិធានការសុខាភិបាល ដែលគ្រប់គ្នាត្រូវតែគោរព»។
សូមបញ្ជាក់ថា ការធ្វើចត្តាឡីស័ករយៈពេល១៤ថ្ងៃ របស់សម្តេចតេជោ ហ៊ុន សែន បានធ្វើឡើងចាប់តាំងពីកាលពីថ្ងៃទី២៤ ខែមេសា ឆ្នាំ២០២១ ពោលក្រោយពេលសម្តេចតេជោអញ្ជើញត្រឡប់មកពីការចូលរួមកិច្ចប្រជុំកំពូលអាស៊ាន នៅរដ្ឋធានីហ្សាកាតា ប្រទេសឥណ្ឌូនេស៊ី៕
